Семейде «Үздік бизнес-жоба» облыстық Гранд-турнирі өтті
27 ақпанда Абай облыстық білім басқармасының инновациялық-әдістемелік орталығының жоспарына сәйкес бизнес және сервис колледжінде «Үздік бизнес-жоба» облыстық Гранд-турнирі ұйымдастырылды. Техникалық және кәсіптік білім беру колледждерінің студенттері мен Абай облысының 9-11 сынып оқушылары қатысты.
Гранд-турнир жұмысы «Байланыс, ақпарат, білім», «Әлеуметтік кәсіпкерлік және экология», «Креативті және инновациялық кәсіпкерлік», «Сауда дело және өндіріс» секциялары бойынша жүргізілді. Барлығы 33 бизнес-жоба ұсынылды. Оларды бағалау үшін арнайы сараптамалық кеңес құрылды. Гранд-турнирдің қазылар алқасы экономика, өнеркәсіп, кәсіпкерлер, ЖОО оқытушыларынан тұрды. Қатысушылардың жұмыстарын облыстық инновациялық-әдістемелік орталықтың техникалық және кәсіптік білім беру бөлімінің басшысы Сейлғазы Бласбаев, Абай облыстың Кәсіпкерлер палатасының салалық даму бойынша жетекші сарапшысы Данияр Агзимов, экономика ғылымдарының кандидаттары мен магистрлері және басқалар бағалады.
«Іс-шара тамаша деңгейде өтті, қатысушылар жақсы жұмыс жасады, өте қатты дайындалғаны көрініп тұр. Орындарды бөлу кезінде бірнеше факторлар ескерілді: бизнес-жоспардың мазмұны, іскерлік ақпаратты пайдалану тиімділігі, жобаны әзірлеудің нақты дәйектілігі, инвестицияларды пайдаланудың тиімділігі, сәтті іске қосу ықтималдығы, шығармашылық, жаңалық. Жобаның әлеуметтік маңыздылығы ерекше рөл атқарды. Қатысушылардың жұмыстары арасында ең бастысы – бизнес-жобаның ашылуы ұнады. «Полиэтилен материалдарын кәдеге жарату» жобасы болды делік, бұл өте әлеуметтік маңыздылығы зор жоба, іске асыру қиын, бірақ көптеген артықшылықтар бар: бұл жұмыс орындары – 5 немесе одан да көп, бұл қазіргі уақытта өзекті экологиялық мәселелерді шешу. Маған «Oasis» жобасы да ұнады, мұнда балалар телеграм-бот әзірледі, онда олар барлық ақпаратты бір жерде жинады. Жоба өзекті және қазірдің өзінде жұмыс істейді. Бұл балалар екінші орынға ие болды», – деді Абай облыстың Кәсіпкерлер палатасының салалық даму бойынша жетекші сарапшысы Данияр Агзимов.
Гранд-турнир заманауи форматта, қызықты және мазмұнды өтті. Гранд-турнирдің қатысушылары Абай облысының білім басқармасының сертификаттарымен марапатталды, ал жеңімпаздар – 1,2,3 дәрежелі дипломдарға ие болды.
Пікір қалдыру:
Пікірлер: